PM - SEPFOPE

SEPFOPE-HRD COREIA VIZITA EPS JAKARTA

Iha loron 5 fulan Julho tinan 2013, delegasaun husi Secretario Estado ba Politica Formasaun Professional no Emprego liu husi Diresaun Nasional Emprego iha tinan 2013 sei implementa programa foun ba kandidato trabalhadores Timor oan sira antes atu ba servisu iha nasaun Coreia do Sul, liu husi departamentu EPS (Employment Permit System) SEPFOPE programa ne’e bolu ho naran CBT (Computer base test) tamba durante ne’e nasaun Timor Leste uza sistema  ho naran PBT (Paper base test).

Programa PBT ne’ e rasik hahu implementa ona iha tinan 2010 to 2012 (agora), Programa PBT (Paper base test) ne’e rasik hala’ o ona ba dala 5 iha Timor Leste ho nia resultado husi Programa PBT ne’e Timor Leste haruka ona trabalhadores hamutuk 1,333 ba Coreia do Sul hodi servisu iha area 3 mak hanensan Peskas, Agrucultura no Fabrika.

Kona ba programa PBT ne’e rasik tuir planu SEPFOPE liu husi Diresaun Nasional Emprego Sr. Paulo Alves esplika katak  governo Coreia do Sul liu husi HRD (Human Resource Development) husu atu  nasaun nebe mak haruka trabalhadores sira ba  servisu iha Coreia do Sul atu bele implementa ona  programa foun nebe uza sistema online ho naran CBT (Computer Base Test). Paulo Alves mos hatutan katak Timor Leste liu husi Secretariu Estado ba Politika Formasaun Professional no Emprego sei hahu implementa iha fulan Novembro tinan 2013.

Delegasaun husi SEPFOPE nebe kompostu husi Chefe Gabinete SEPFOPE Benigno da Cruz,  Director Nasional Emprego, Sr. Paulo Alves,Chefe Departamentu PER, Sr. Lucio Bere Tasi, Chefe Employment Permit System SEPFOPE, Valencio de Jesus  hamutuk ho director HRD Corea Mr.Young, no chefe mestre lian Koreia Dr.Lee halao mos enkontru ho  Director Geral EPS (Employment Permit System) Indonesia Mr. Min Kyung il ho funsionario HRD Coreia iha Jakarta hodi koalia kona ba esperiensia ne’ ebe sira hetan durante ne’ e.

Director Geral EPS (Employment Permit System) Indonesia Mr. Min Kyung il iha nian lian fuan hatete mos katak programa CBT iha Indonesia foin mak hahu iha tinan 2012 liu ba, antes ne’e HRD Corea do Sul iha Jakarta liu husi Employment Permit System (EPS) iha Jakarta uza sistema PBT hodi halo teste ba kandidato trabalhadores, tuir dadus husi centru EPS Jakarta  iha fulan Junho 2013 tes ba PBT iha  nasaun Indonesia hala’o iha Medan, Jakarta, Bandung, Solo, no Mr. Sr. Min Kyung il ne’e mos hatutan katak iha tinan kotuk sira haruka trabalhadores husi Indonesia hamutuk 6200 hodi ba serbisu iha Coreai do Sul liu husi Programa CBT nebe sira implementa ona iha tinan kotuk liu ba no programa CBT ne’e rasik realiza deit  iha Jakarta.

Delegasaun husi SEPFOPE halo mos visita ba iha Balai Besar pengembangan dan Perlindungan Tenaga Kerja Indonesia (BNP2TKI) hodi hare besik liu oinsa implementasaun programa Computer Base test  ba kandidato trabalhadores husi Indonesia iha Jalan Kemayora iha Jakarta Selatan.

Programa CBT ne’e rasik tuir Chefe BNP2TKI Sr. Romandi Syamsudi, Koreia-Indonesia Technical and Culture Cooperation centre ( KITCC) haktuir katak kada fulan 4, no tuir dadus kada fulan sira bele haruka trabalhadores hamutuk 600 ba serbisu iha Coreia do Sul, Sr. Romandi mos hatutan katak programa CBT ne rasik fahe ba parte 2 mak hanesan CBT spesifiku hala’o ba trabaldores Indonesia nebe uluk servisu ona iha Corea do Sul no fila fali mai Indonesia ho razaun sira nian kontraktu serbisu hotu  no CBT geral, hala’o ba trabalhodres sira nebe sidauk ba serbisu iha Corea do sul, Chefe BNP2TKI mos haktuir katak Programa CBT iha tinan 2013 ne’ e rasik fahe ba area 3 mak hanesan Fabrika, peskas no konstruksaun, no kandidatu sira bele asesu informasaun liu husi website HRD koreia nian iha Indonesia oinsa bele tuir izame CBT iha Jakarta.

Iha visita ne’ e chefe gabinete SEPFOPE Sr.Benigno Humberto da Cruz haktuir katak visita ne’e importante tebes mai instituisaun ida ne’ e tamba liu husi vizita ida ne’ e bele sai nudar referensia mai SEPFOPE wainhira implementa CBT iha fulan Novembru tinan ida ne’e, tamba programa ne’e hanesan programa foun ida, tamba ne’ e ita presija tebes atu halao visita ida ne’e hodi bele hetan esperiensia husi maluk sira iha nasaun seluk hanesan Indonesia.

Delegasaun husi SEPFOPE, hafoin hala’o enkontru iha centru EPS Coreia Indonesia, delegasaun ne’e mos halao visita ba Korea Culture Centre Embassy of the Republic of Korea no delegasaun ne’e simu diretamente husi Director Geral  Rezky Seokgi kim no Deputy Director Geral Tang Jongry iha Equity Tower-Jakarta Pusat.

Centru cultura koreia loke ona tinan ida ho balu no hetan mos visita barak husi komunidade estrangeiro no komunidade  iha rai laran mos.

Iha parte seluk centru kultura Coreia loke mos formasaun ba lian Coreia ba estudante no Juventude inklui funsionario Publiko sira. Director Geral  Rezky Seokgi kim esplika katak objektivu  husi loke centro formasun lian Coreia mak oinsa bele hametin liu tan relasaun husi Nasaun Indonesia no Republika Coreia no oinsa bele mos kapasita estudantes no partisipantes sira ne’ebe mak tuir formasaun lian Koreia refere.

Director geral ne’e hatutan katak Centru Formasaun ba lingua Coreia ne’ e hetan antusiasmo makas husi maluk sira.