Sekretariu Estadu SEPFOPE ingura Ofisina automotivo Sentru Formasaun Dom Bosco

Sekretariu Estadu SEPFOPE ingura Ofisina automotivo Sentru Formasaun Dom Bosco
DÍLI – Sekretariu Estadu Politika Formasaun Profesional Empregu, Ilidio Ximenes iha Sesta feira (30/01) semana ne’e ofisialmente inagura ofisina automotive iha sentru formasaun Dom Bosco Comoro dili.Ilidio ba jornalista sira katak, ba konstrusaun ofisina automotive centru formasaun ne’e hetan finansia husi Asian Development bank (ADB) hamutuk montantente orsamentu um mil ital. ba ekipamentus nomos inklui formasaun sira.
Nia informa katak, formandu sira ne’ebe mak tuir formasaun ne’e governu sei haruka rai liu hanesan Indonezia atu nune’e sir abele aumenta nia koñesimentu konaba automotive nian tanba SEPFOPE loke sentru formasaun ba juventude sira atu mai aprende tanba sentru ne’e hanesan kampu de servisu ba sira.
“Hau mos fo agradese ba Banco Asiaticu tanba durante ne’e sira mos ajuda harii sentru formasaun ida mai ita interesante tebes mak sentru formasaun laos kompañia internasional no nasional sira mak halo maibe estudante no intruktur sira mak harii sentru ida ne’e,” dehan Sekretariu Estadu SEPFOPE, Ilidio Ximenes.
Sekretariu Estadu mos esplika katak, formandu sira ne’e iha kapasidade no kualifikasaun tanba sira halo konstrusaun ne’e positive tebes tanba sentru formasaun iha area rua konstrusaun no automotive.
Iha fatin hanesan Diretor sentru formasaun Pe. Manuel Pinto mos haktuir tan katak, konstrusaun hahu iha tinan 2013 fulan Abril remata iha tinan 2015, tanba konstrusaun ida ne’e hatudu ba sosiedade sira katak, durante ne’e Dom Bosco servisu hamutuk ho juventude atu dezemvolve ba nasaun ida ne’e.
“Hau mos senti katak, governu kontenti no hare edifisiu ne’e tanba edifisiu ida ne’e la halo husi kompañia maibe estudante sira mak halo rasik, formandu sira ne’e halo buat ruma ne’ebe mak durante sira halo para aban bairua sira mos bele aplika ba sira distritu ida-idak tanba konstrusaun ne’e hanesan kampu servisu id aba sira,” nia dehan.
Nia dehan tan, konstrusaun ida ADB aloka orsamentu $400. Mil I tal ne’e mak ba ekipamentus hanesan makina ne’e husi ADB ho SSEPFOPE sira.
Nune’e mos formandu Imanuel Tout husi distritu Oe-Cusse mos hatutan, durante sira tuir formasaun ne’e sira senti kontenti tebes tanba sir abele aprende buat foun husi sentru ida ne’e, I nune’e mos sir abele prepara an atu ba servisu iha Zona espesial Ekonomi Merkadu Sosial (ZEEMS). “Ami tuir formasaun ne’e agora ba nivel 2 hau mos espera katak, treinamentu ida ne’e remata ami sei aplika fali ba maluk sira ne’ebe seidauk aprende konaba automotive ne’e,” nia haktuir.

Uma Lima ba Ema Kbi’it Laek Husi SEPFOPE

Soibada, relasiona ho programa V Guvernu konstitusional ne’ebe mak fo prioridade hodi halo uma 5 ba komunidade kbi’it laek iha 13 Distritu. Sekretaria Estadu ba Politika Formasau Professional no Emprego (SEPFOPE) liu husi Diresaun Nasional Emprego Dep. Emprego Temporario halo uma lima ba kbi’it laek uma iha Aldeia Daulorok Suco Manalala Sub Distrito Soibada Distrito Manatuto.
Governu liu husi SEPFOPE fo fiar ba kompanhia lokal hodi bele serbisu hamutuk ho Centru formasaun hodi halo konstruksaun uma lma ba kbit laek sira iha Aldeia Daulorok Suco Manalala Sub Distrito Soibada Distrito Manatuto.
Tuir Director Kompanhia Florindo da Costa ho naran kodigu Funu nian (03) haktuir katak maske nia hetan ona oportunidade atu halo uma lima ba iha komunidade sira ne’e maibe nia objetivu primeiru mak laos atu hetan deit osan maibe, nia halo uma lima ne’e ho neon ho laran tomak no hakarak uma ne’ebe mak ho kualidade no durasaun tempu kleur. nune’e labele halo depois aban bain rua aat fila fali hanesan uma balun nebe mak halo ona husi MDG’s ne’ebe mak aat lalais deit, maibe tenki halo uma ida ne’ebe mak utilize iha tempu naruk nia laran to’o iha terseiru jerasaun mos sei bele uja. Dehan Director Kompanhia.
Aliende ne’e Xefe suku Manalala Antonio Soares da Costa mos haktuir katak tuir sira nia observasaun ba iha uma ne’ebe mak husi husi SEPFOPE halo ne’e hanesan uma ne’ebe mak nia kualidade diak liu fali uma tanba MDG’s halo ho produtu estranzeiru ne’ebe mak nia durasaun tempu la to’o tinan maibe aat fila fali ona, maibe uma ne’ebe mak halo husi SEPFOPE ne’e uma ne’ebe mak nia kualidade no bele uza iha durasaun tempu ne’ebe mak naruk, tanba konstrusaun ba iha uma sira ne’e kuaze halo tuir beiala sira nian iha tempu portugues.
Ne’ebe mak uma sira halo ho produtu local ne’ebe mak mai husi fatuk deit, maibe hare ba hanesan uma ne’ebe mak luxu tebes nune’e mak lori komunidade tomak nia naran apela ba iha V guvernu konstitusional atu halo uma ba ema kbi’it laek sira karik halo tuir ezemplu husi uma ne’ebe mak kompania O3 kaer no hetan fiar husi SEPFOPE ne’e.

XANANA Leao ho Leu (Bote) Husi : Ilidio Ximenes da Costa

Iha tempo resistensia to’o agora dau-daun ne’e, naran Xanana sei boot iha rai laran no rai liur. Naran boot tamba ukun nain/lider ba resistensia kontra invasaun Indonesia, naran boot tamba halibur ema e partidu e organisasaun houtu iha CNRT iha tempo resistensia, naran boot tamba sai hanesan presidente da republika Timor-Leste, naran boot tamba sai hikas fila fali presidente ba partidu CNRT no naran boot tamba primeiro ministro actual ba periode ne’e. Buat sira houto tamba hahu husi prinsipio no istoria ida. Prinsipio mak libertasaun patria no libertasaun povo nebe koalia ou konta husi ibun ba ibun ho hakerek hela iha suratan e livro husi autor resistensia sira nebe sei esiste hodi sai historia ba gerasaun foun. Wainhira autor resistensia sira la iha ona, geresaun foun mos sei la hatene nia istoria resistansia nebe mos sei bele afeta ba nasionalismo no patriotismo gerasaun foun. Istoria e istoria no istoria tenki transmite ba ema seluk no istoria tenki haktuir lolos.
Maski, ema barak dehan tempo seidauk to’o, tempo seidauk iha atu hakerek, maibe tempo sempre ba oin nafatin, tempo lao nafatin, atu diak liu itabele hahu ho buat kiik nebe laos hodi hakerek deit, maibe hatudu e hadia fatin sira iha resistensia mak iha ba gerasun foun e nune sira bele iha kuinesemento oiton hodi bele buka rasik hodi hatene oitoan. Iha ne’e hakerek nain focus liu ba fatin historiku no author istoria resistensia hodi bele desenvolve ba area turismo nia.

Uluk liu, hakerek nain rona husi ema konta katak base resistensia hahu moris fali iha Mehara, los e lae? horas ne’e sai perguntas boot ida nebe persisa resposta ou esplikasaun klara husi autor sira hahu hato’o ba gerasaun foun. Nune mos, harekek nain rona istoria ida katak Xanana tuur tama iha “Leu” (Fataluku lian) ou Bote (Tetun) laran no iha leten taka ho fahi nia ai han. Hakerek nain interesado ho istoria ne’e atu hetan aotor no hatene. Husi plano ba plano no visita ba visita iha rai ne’e la hetan. Ikus mai, iha viagen ida iha loron 17 fulan Junho 2008, hakerek nain hakat liu ba tan iha rai Mehara hodi buka hatene no hetan duni ema nebe tutur Xanana iha “Leu” / Bote laran. Ema ne’e mak Ricardo da Conceicao ho naran kodiku resistensia mak LEAO”, horas ne’e nia ho idade 75 anos, nia katuas ona. Nia ema resistensia iha rede cladestina hanesan estafeta. Atu hetan autor ne’e lori tempo naruk; husu husi uma ba uma, husu ba ema katuas/fereik sira no joven sira. Resposta nebe hetan mak barak liu mak katuas e ferik sira hatene no joven sira barak la hatene. Ne’e hatudu katak istoria resistensia seidauk hatoo ou hanorin mos iha eskola karik.
Hahu husi ne’e, ami dada lia husi tuku 1 loraik too tuku 5 lokraik. Tio Leao hahu kontak istoria; hau hetan orden husi membro resistensia ida (la fo hatene naran) atu hakliki maun bot Xanana husi fatin Cewai iha Com lori too ba iha Mehara. Tuir dalan iha fatin Serelau, militar sira husu nia, ba nebe no lori saida ? Tio Leao hatan dehan,” hau lori fahi nia hahan, no atu ba iha Mehara”, nia kontinua lao too ba iha fatin maski Leu ne’e todan tebes. Xanana hela ho nia durante semana ida, haktuir Tio Leao. Tio Leao haktuir tenik katak maun boot Xanana ain kanek boot, nebe labele lao. Oinsa halo tratamento ba maun boot Xanana nia ain ? Tio Leao dehan, hau ba simu aimoruk iha PUSKESMAS/clinika hafoin fo aimoruk kapsul ba nia. Depois de Ain diak oitoan hau entrega fali maun boot Xanana ba senhor Orlando Jose Maria ho naran kodeku Mau Welis (matebian ona) nebe mate iha 1985. Leu ne’e sei iha ka ?Tio Leao dehan la iha ona. Karik sei iha rohan oan ruma husi Leu ne’e e nakles mos la iha buat ida? Lae oan, at no soe tiha ona iha uluk kedas.Ita lakon tan sasan autentik ida.
Durante muda sai tiha husi uma, Xanana sira ba subar fali fatuk kuak naran “Lu Curu” (Gua Tupai ou laku fatin), husi fatin ne’e mak maun boot Xanana hasoru malu ho Mau Weles, Julio Ferreira ho kodiku Holinacha, Quinalaka no Raja Miguel (matebian ona), Dom Martinho da Costa (matebian ona), Padre Luis (matebian ona) no Padre Afonso Nacher (matebian ona). Sira nia hasoru malu hodi koalia no halo plano no estragia ba resistensia ba libertasaun patria/ukun an. Tebes ka? Persisa resposta husi autores resistensia sira nebe sei moris ba istoria ne’e.
“Lu Curu” fatin ida mak historiku no fatin ida mak bele atria turista antes halo sira nia viagen ba Tutuala e Jaco, wainhira desenvolve diak fatin ne’e. Isemplo ida mak iha Indonesia “Gua Selarong” subar fatin Diponegoro” nebe sai fatin turista no fatin ba estudantes sira hodi haree no hatene sira nia istoria.

Oinsa atu desenvolve fatin ne’e ? Tuir hakerek nain nia hanoin; halo konsulta ho autor no autoridade local sira no komunidade, hafoin halo monumento no hatuur fila fali “LEU” ou BOTE imitasi ida no mos rai dokumentus hanesan fotografia, e halo pinturas ou estatua balu no seluk tan atu bele representa ou relembra fila resistencia iha pasado ba gerasaun foun. Depois ida ne’e, fo ba veteranus, juventude no suco hodi tau matan no halo retribuisaun/kontribuisaun kiik ba visitors sira wainhira sira hakarak tama ba iha “LU CURU” laran.
Benefisio saida mak sei hetan husi LU CURU ? Ida, gerasaun foin hatene e rona ho hare fatin istoria resistensia liu husi autor resistensia nebe sei moris, la os trasmiti ou hakerek fali husi ema seluk enkuanto sira sei moris (hanesan Tio Leao, maun boot Xanana); rua, fo rendimento kiik ba empresario ou faan nain kiik sira hanesan: kios, loja, losmen, restaurante, ema nebe faan tais, uma adat e souvenir, ojek, duru basa ou (guide); tolu, hamenus desenprego, bele hamosu kreatividades ba komunidade hodi haburas fila fali valors-valores kulturais sira seluk hanesan: tebe-tebe, dahur, no seluk tan nebe bele atrai ema rai liur no rai laran kona ba promosaun kultura; hat, hametin relasaun fraternidade entre joven husi rai (suku, distrito) ida ba rai (suku, disrito) seluk.
Wainhira hanoin ba buat boot deit nebe ema boot e riku deit mak hetan beneficio hanesan mos fo bosu e hariku ema boot no hamate ou hasusar ba ema kiik sira. Iha matenek nain balu iha prespetiva ida katak “ita halo buat ida atu ema liur atu mai haree no ita tenki kria ou hadia infrastruktura uluk”. Ba hakerek nain hanoin ida ne’e hanoin e ideia ida mak boot liu ou ambisiosu liu tamba fo importansia liu ba ema rai liur no hatuur ema iha rai laran ba iha segundu prioridades no preokupado liu ho sasan infrstruktura e fisik. Hahu husi kiik hodi mosu kompetisaun nebe diak iha kumunidade nia laran do que fo buat houtu-houtu ou kria buat houtu-houtu hodi hamosu deit dependensia.
Tuir hakerek nain nia hanoin, diak liu ita hahu ho plano e hanoin kiik hanesan hau identifika fatin (historiku, culturais) no hakerek, rehabilita ou desenvolve no halo promosaun dau-daun hodi hatoo hikas ona ba gerasaun e komunidade tomak iha rai laran atu sira hatene uluk liu husi programa ida mak hanesan studi visit (lori estudante ba haree, rona no hakerek) ba estudantes sira hahu husi Pre Primaria too ba iha universidade no komplementa ho programa sira seluk.

SEPFOPE halo Pagamentu ba eis PNS no Militar Indonesia

Sekretaria Estadu ba Politika Formasaun Professional no Emprego liu husi Diresaun Nasional relasaun do trabalho halo pagementu ba eis PNS, Polisia no tentara iha tempo Indonesia ho total beneficiario hamutuk 22, 336 ba tinan 2014.
Baseia ba encontru entre Governu Timor Leste ho Governu Indonesia kona ba pagamentu ba eis PNS, Policia no tentara Indonesia nebe mak halo knar hanesan funsinario iha tempo nebe hodi bele simu fali sira nian direito hanesan pagamentu ba THT, Taperum, Jamsostek.
Razaun husi pagamentu ne tamba wainhira sira sei serbisu hanesan funsinario publik no militar iha tempo Indonesia, governu liu husi sira nian program koa kada funsinario sira nian osan liu husi Programa Tunjangan Hari Tua, Tabungan Perumanhan rakyat no Jaminan Social tenaga kerja.
Governu Timor Leste no Governu Indonesia antes halo pagamentu ba eis PNS no Militar iha tenpo Indonesia hahu ho diskusaun nebe naruk tamba Governu Indonesia planu atu koa tian 20 pursentu husi osan nebe mak eis funsinario no militar sira rai hela iha tempo nebe liu husi salario nebe mak sira koa hodi rai hela ba Tunjuangan Hari Tua, Tabungan Perumahan Rakyat no pagamentu ba Jaminan Sosial tenega kerja no husu ba eis Funsionario sira nebe mak simu ona sira nian pensiu iha atambua sei laiha tan direitu atu bele simu tan. Dehan Chefe Gabinete SEPFOPE, Beningo da Crus wainhira halo abertura ba pagamentu iha Distrito Manatuto.
Tuir chefe gabinete SEPFOPE ba eis PNS no militar nebe mak simu ona iha Atambua sira sei la simu tan iha tamba ida ne pagemtu ikus husi Governu Indonesia no sira nebe mak tau naran no koko atu bele hetan fali pagementu ba sira nian direito ne sei prosesu tuir lei nebe mak iha no sira nebe mak naran laiha bele mai cek fali iha Diresaun Nasional Relasaun do Trabalho hodi here sira nian naran.
Lista naran nebe mak fo sai para bele simu sira nian direitu neé basia ba akordu entre Timor Leste no Governu Indonesia no lista naran ne mai husi governu Indonseia no SEPFOPE so fasilita ou hanesan ponte para bele ajuda pagamentu ba eis funsinario no militar Indonesia no SEPFOPE mai la lori osan e osan sira ne iha ona banku BNCTL hodi bele halo pagementu no da dahuluk pagamentu ba eis PNS no militar iha Distrito Manatuto so ba 3 dias no Banku BNCTL fo pagamentu hahu husi dia 1 ate dia 20 de Julho.
Tuir dadus nebe mak fo sai husi Governu Indonesia hahu pagementu husi tinan 2002 ate 2014 total beneficiario hamutuk 53,104 no ba tinan 2014 beneficiario hamutuk 22, 336 mak simu sira nian pagementu ho total osamentu hamutuk 7 miloes hahu husi tinan 2002 ate 2014.

SEPFOPE Loke Expozisaun Kareira Professional no Empregu 2014 iha Oecusse

Oecusse - Sekretaria Estadu ba Politika Formasaun Professional no Empregu (SEPFOPE), liu husi Diresaun Nasional Emprego realiza expozisaun kareira professional no empregu tinan 2014 iha Distrito Oecusse ne’ebe mak partisipa Esadu husi Membru Parlamentu Nasional, Xefi Gabinete, Administrador Distrito Oecusse, Representante husi ZEEMS, PNTL, no Directores Nasional SEPFOPE.
Exposizaun kereira ne’ebe mak organiza husi SEPFOPE liu husi Diresaun Nasional Empregu ho hanoin ida atu bele fahe informasaun ba estudante finalista hodi bele hetan informasaun ne’ebe klaru husi empregador sira hodi nune’e estudante finalista sira bele hetan liu tan informasaun no bele desidi tuir kareira ne’ebe mak sira hakarak.
Representante ZEESM Arsenio Bano ne’ebe mak partisipa iha eventu refere haktuir katak SEPFOPE nia programa ne’ebe mak desentraliza mai iha Distritu Oe-cusse ne’e diak tebes atu estudante no juventude sira liu husi eventu ida ne’e bele hetan informasaun ne’ebe mak diak husi ezibitor sira, eventu ida ne’e mos ZEESM partisipa tamba ne’e husu atu estudante, juventude no komunidade ne’ebe mak mai visita ezibitor sira hanesan ZEESM tenki husu mos informasaun kona ba prosesu implementasaun iha Distritu Oe-cusse, aliem ida ne’e mos hakarak hato’o mos agradesemntu ba SEPFOPE ne’ebe mak durante ne’e kolabora diak ho ZEESM iha parte preparasaun rekursu umanu, fatin atu hari’i centru formasaun no seluk tan.
Xefi Gabinete Benigno Humberto da Cruz ne’ebe mak reprezenta Sekretariu Estadu SEPFOPE iha diskursu hateten katak eventu Expozisaun kareira no empregu hanesan programa ne’ebe mak kada tinan sempre hala’o husi SEPFOPE ho intensaun atu bele fo introdusaun servisu ba estudante finalista sira ne’ebe mak sei remata estudo iha escola secundaria hodi bele sai nudar referensia ida ba estudante sira atu bele hare’e, hanoin no desidi tuir saida mak estudante sira sei hare’ e no rona husi ezibitor sira ne’ebe mak partisipa iha eventu ida ne’e, tamba ne’e husu ba estudante sira atu bele aproveita oportunidade durante loron rua ho diak atu depois expozisaun bele sai bukae ida ba estudante sira no husu mos atu bele hatutan informasaun refere ba maluk sira ne’ebe mak labele mai partisipa iha eventu ida ne’e.
Iha eventu refere membru husi parlamentu nasional apresia ho servisu SEPFOPE nian ne’ebe mak bele desentraliza eventu expozisaun kareira no empregu ba iha Distritu 7 inklui Dili atu estudante sira bele aproveita no hatene informasaun molok sira foti desizaun hafoin remata estudu iha escola secundaria, Membru Parlamentu husi komisaun A ne’e mos haktuir katak lei kona ba ZEESM promulga ona husi Sua Exelensia Presidente da Republika tamba ne’e lakleur tan povo Oecusse sei hare’e desenvolvimentu ne’ebe mak sei implementa iha ne’e, no hafoin rona preparasaun rekursu umanu ne’ebe mak hala’o ona husi SEPFOPE ba juventude Oecusse sira ne’e parte ne’ebe mak diak tebes atu ita bo’ot sira bele sai na’in no autor ba Desenvolvimentu iha imi nia rai rasik, haktuir Natalino Nascimentu iha diskursu wainhira partisipa abertura expozisaun karreira no empregu.
Implementasaun programa expozisaun kareira no feira servisu ida ne’e sei halao durante loron 2, nebe sei partisipa husi empregador no centru formasaun mai hanesan ezibitor hamutuk 28, kompostu husi, Istituisaun Governu 8 hanesan : ZEESM, PNTL, SEPFOPE, Servisu Saude Distritu(SSD), Diresaun Servisu Agrikultura, Centru Joventude, Centru Dezenvolvimnetu Emprezarial(CDE), edukasaun, ONG local hamutuk 7 hanesan : SOLS 24/7, FPWO, Y-ACTS, Belun, BIFANO, ALEBAO no CECEO, Caritas Australia, Fundasaun Esperansa Enclave Oe-Cusse(FEEO), Fundasaun ALOLA, Fundasaun Comunidade Beon-Sila(FUNIBES), CCT no TT, Franciscana Padiae, ensino Superior DITKREO, UNPAZ no Kristal, ensinu Sekundaria ETA, Grupo Auto Empregu minyak Kayu putih no kabas Timor.
Partisipa iha expozisaun refere hamutuk estudante finalista hamutuk 546 (Mane 288 no feto Feto 258 ) husi escola sekundario 5 iha distritu Oecesse, mak hanesan escola ensinu Sekundaria publika Palaban, ensinu Sekundaria Publika Meco-Sikaloti, ensinu Sekundaria Catolika St.Antonio Oe-Cusse, ensinu Tekniku Vokasional Palaban, ensinu Tekniku Agrikola Kay Rala Xanana Gusmão.
Orsamentu ba realizasaun Expozisaun kareira no feira traballo ida ne’e, mai husi Orsamentu Geral do Estado ba SEPFOPE nian, ne’ebe mak gasta ona ba programa refere hamutuk $6.695.00, no iha mos apoiu balun mai husi parseiru sira mak hanesan Timor Telekom ho apoiu, telemovel no pulsa, banner no brosura expozisaun no Apoiu tekniku hosi ILO/OIT ba produsaun manual expozisaun kareira.

Ministro da Justisa, Dionisio Babo Soares abertura lancamentu Nasional uza ekipamentu serbisu baseia ba Lei do Trabalho, sermonia ne’e akompanha husi Sekretariu Estadu ba Politika Formasaun Profisional no Empregu, Ilidio Ximenes da Costa, Presidente Komisaun D PN, Jacinta Abu Cau Pereira, Presidente komisaun F PN, Virgilio da Costa Hornai , Presidente CCI- TL, Julio Alvaro, assesor Presidente da Republika, empregario, Sindikato, trabalhdores no media nacional, Atividade neé lancamentu realiza iha Mandarin, Dili 30-04-2014. Media SEPFOPE

Semana Santa em Oecusse