SEPFOPE Koopera hamutuk Nasaun Alemaña

Sekretariu Estadu SEPFOPE foto hamutuk ho delegasaun husi Governo Alemana

Sekretáriu Estadu Polítika Formasaun Profesionál Empregu Ilidio Ximenes da Costa simu delegasaun husi Governu Alemaña iha edificio SEPFOPE iha (04-03-2013) e objective husi encontru neé koalia kona ba oinsa atu insentiva liutan formasaun iha area maritime, no estabele kooperasaun entre Nasaun Timor Leste ho Alemaña. Kooperasaun entre nasaun rua ne’e nian estabele ona iha area maritime, ne’ebe loke ona sentru formasaun iha Tibar. Oras ne’e dadaun, joven hamutuk na’in 19 preparadu atu kaer manajementu tekniku Ró Nakroman ne’ebe oferese husi Governu Alemaña. Iha enkontru ne’e, Sekretariu Estadu Ilidio mos husu ba Governu Alemaña atu apoiu iha area peska no Agrikultura. Sentru formasaun iha Timor vele dezenvolve liutan sai nudar sentru formasaun peska. Nune’e, nia prospek ba oin, joven sira ne’ebe treina iha fatin ne’e bele utilize iha Nasaun sira seluk. SEPFOPE iha hanoin oinsa mak atu kria programa auto empregu, programa dezenvolvimentu rurais, liuliu formasaun ne’ebe bazeia ba merkadu traballu no potensialidade distritu no sub-distritu nian