SEPFOPE Vizita Konstruksaun Bareira iha Mota Gouheim

ERMERA: Secretariu Estado ba Politika Formasaun Profesional no Emprego (SEPFOPE) iha sabadu loron (09/11/) hala’o nia vizita ida ba konstruksaun bareira iha mota Gouheim ne’ebe fo ameasa boot ba komunidade Fatukeru sira nia hela fatin no natar.

 

Konstruksaun ne’ebe ho nia naruk metro 300, no ho nia durasaun fulan tolu ne’e hetan apoiu husi Sepfope ho montante osan $$ 152,932 64.

Secretariu Estado ba Politika Formasaun Profesional no Emprego (SEPFOPE),  Ilidio Ximenes hatete, bazia ba perkupasaun autoridade local husi suku refere iha inkontru ida, konaba problema mota ne’ebe mak sobu natar no fo amiasa ba kominidade nia uma.

“Entaun Sepfope foti inisativa halo survey mai iha fatin ida ne’e, no ba dadauk ne’e, ita haree katak halo ona ho montante orsamentu 152 mill maibe ita haree servisu ne’e diak nia kualidade, ba hau diak kompara ho fatin seluk hanesan iha Dili-Bekora ida ne’e diak liu nia konstruksaun diak,” dehan Ilidio hafoin haree konstruksaun refere iha Ermera mota Gouheim

“Agora, ita resolve ona ida ne’e mais iha parte ida tan mos atu bele afeita ba komunidade ne’e mak ita here iha ne’e tun ba ida ne’e mos problema ida ne’e be mak ita infrenta no tambem ohin komunidade kesti ona ida iha fatin leten ba mos mota sei bele estraga no tama fali husi kotuk, entaun sei buka dalan iha tinan oin ajerse sei iha posibilidade, I hau sente ida ne’e tama emerjensia ninian ita tenke resolve duni,” nia dehan

Nia dehan iha parte balu tinan oin karik iha posibilidade nia deh

Diretor Kompania Faluk Contruction Nicson Galhos hatete, obras ne’e hanesan konstruksaun foun  ne’ebe mak hetan apoiu husi SEPFOPE.

“Ami hatete dala ida, tanba fatin ida agora ami halo dadaun ne’e amiasa ba povu nia uma no liliu to’os,”hatete Diretor Kompania Faluk ba jornalista sira sabadu foin lalais ne’e iha Ermera

Nia hatutan,iha tinan kotuk iha komunidade nia uma mak hetan amiasa no komunidade nia to’os balun tenke hetan sobu husi mota refere.

Nia dehan h razaun ne’e mak sira nia parte husu ajuda ba iha parte SEPFOPE hodi SEPFOPE fo atensaun ba problema ne’e.

“Ami agradese boot ba sepfope tanba ho nia atensaun ho nia tulun nia bele fo apoiu ne’ebe mak agora ami halo dadauk ona ne’e,” dehan nia

Tuir nia servisu ne’ebe mak sira halo tuir akordu ho parte SEPFOPE ho durasan fulan tolu. Hahu iha fulan junnu no intrega ba SEPFOPE iha loron rua (2) fulan Novemru.

Nia sei garante konstruksaun refere sei iha kualidade tanba buat ne’ebe nia halo iha responsabilidade no moral hodi manan konfiansa iha future tuir mai.

Entretantu iha fatin hanesan Sefe suku Fatukeru Alberto de Oliveira fo agradese boot ba SEPFOPE tanba fo ona atensaun ba sira nia problema ne’e.

“Ami agradese ba programa ne’ebe iha porque bele resolve ami nia dezastre ne’ebe karik iha future bele akontese,” dehan sefe suku ne’e

Tuir nia persija ajuda tan metro 300, tanba nia hatete karik ida ne’e mak lo fo atensaun mak iha future se fo amiasa ba barazen ne’ebe mak halo ona.