Rabu, 20 Februari 2013

Encontro Secretario Estado SEPFOPE ho Empregario Australia



Timor-Leste iha ninian numero desemprego nebe a’as iha rai-laran nebé atingi besik 50% haktuir dados SEFOPE nian iha 2010 (Labour Force Survey 2010).
Maneira ida atu hamenos desemprego maak hasa’e capasidade ka abilidade (skills) ba Timor oan sira atu bele responde ba egizensia Mercado doTrabalho nian. Maibe, haktuir realidadekatak oportunidade atu service iha rai laran mos menos & industria maioria maak iha area construcção deit. Ho nune’e, governo Timor-Leste liu hosi SEPFOPE (Secretária do Estado da Política de Formação Profissional & Emprego) iha politíca acção concretaatu responde ba problemas hirak nee.
Dezde 2008, SEPFOPE hahu luta makas hodi halao negosiasaun ho governo Australia no hodi haruka trabalhadores ba Australia no finalmente iha dia 1 de Dezembro de 2011, Australia ho Timor-Leste hahu hari’I acordo atu tama ba iha processo nee.
Programa nee hanaran ‘Pacific Seasoanl Workers Program’ (ProgramaServiçoSazonalbaIlhasPacificos), nebe laos Timor-Leste maibe involve mos ho Países hosi Ilhas Pacificos hanesan Vanuatu, Tonga, Samoa e etc. Areas nebe maak trabalahadores sei ba service maak iha area Hospitalidade, Horticultura, Aquacultura, Kabas&Tohu.
Husi acordo iha dia 1 de Dezembro 2013, Timor-Leste hahu haruka ninian trabalhadores iha dia 1 de Março de 2012 hamutuk 12 iha area Hoospitalidade ba iha Broome, Australia occidental. Iha tinan 2013, SEPFOPE ho esperançasei haruka tan 100 resin ba Australia, tamba processo nebe service ba Australia no Korea do Sul la hanesan. Ba processo Korea do Sul, governo neba maak foo apoio makas hodi convida empresarios (patrão) sira hodi participa no convida trabalhadores Timor Oan nian atu ba service iha neba. Maibe ba processo service iha Australia, Adido de Trablo Timor oan iha Australia (Sr Isménio Martins da Silva) maak tenki halao rasik ‘lobby’ no convida & convenes empregador sira (patrão) sira hodi participa no recruta ita ninian trabalhadores sira.
Ho nunee duni maak, ohin Quarta, 20 de Fevreiro de 2013, empregador nain 2 Mr Allen ho Mrs Susan Jenkin husi Queensland nebe maak iha industria Sabraca (CITRUS) nebe mai vizita Timor-Leste hodi hasoru rasik trabalhadores sira atu fahe sira ninia nexpectativa konaba ‘standard’ kaskills saida maak sira preciza ba iha sira ninian natar ihaSabraca nee.
Foti oportunidade nee mos, sira sei foo motivasaun ba ita ninian candidates trabalahdores hamutuk 309 hodi foo mos informasaun katak maneira atu moris no service ambiente iha Australia tuir regras no disciplina iha service fatin iha Australia, no’mos apoio nebe maak patrão sira foo wainhira trabalhador ida to’o iha neba.
Actividade nee sai hanesan prioridade ba SEPFOPE, nebé politíca no vizaun hosi S.E. Ilidio da Costa Ximenes hanesan Secretário do Estado nebe foo ona orientasaun ba iha Direcção Nacional ba Emprego-SEPFOPE liu hosi Departemento ba Servico Rai Liur nebé toma conta batrabalhador sira iha Korea do Sul no’mos iha Australia.
Oportunidade seluk, wainhira remata tiha dialogo entre empregador/patrão Susan Jenkin ho trabalahdores sira, iha lokraik,sei halaomos entrevista ba iha trabalhador nain 10 hodi sei arranca ba iha Australia hodi ba service to’o fulan 6.

Informasaun completosei hato’o iha Website SEPFOPE nian no’mos sei hato’o la kleur tan iha Website Adido de Trabalahdo hosi SEPFOPE nian ba Australia.

Tidak ada komentar:

Posting Komentar