Senin, 18 Februari 2013

Governu Japaun Fornese Fundu Asistensia ba Projetu Treinamentu Auto-Mekaníku iha Distritu Díli



Iha loron 18 Fevereiru 2013, Governu Japaun hamutuk ho Intitute of Technology (DIT) hala’o seremónia asinatura iha Díli ho ONG Japanese nian Fundu Kontratu ba “Projetu ba Treinamentu Auto-Mekaníku iha Timor-Leste Fase III”, implementa husi Japan Demining and Reconstruction Agency Centre (JDRAC). Governu Japaun fornese kuaze US$360,000 (Rihun atus tolu resin rihun ne’en nulu Dolar Amerikanu) ba Japan Demining and Reconstruction Agency Centre (JDRAC) liu husi Fundu Asistensia ba Projetu ONG Japonés nian ne’ebé programa asistensia finanseiru ida atu suporta ba ONG Japanes nian ne’ebé atu atinji nesesidade basíco oin-oin ba povu iha Timor-Leste. Projetu ne’e susesu. “Projetu ba Treinamentu Auto-Mekaníku iha Timor- Leste” (2011) no “Projetu ba Treinamentu Auto-Mekaníku iha Timor-Leste Fase II” (2012). Liu husi projetu hirak ne’e, JDRAC fó ona koniesementu tekníku no matenek ba partisipante treinu sira konaba oinsá halo manutensaun kareta iha kondisaun ne’ebé diak, ne’ebé kontribui ona ba prevensaun aksidente trafíku no oportunidade habelar servisu ba partisipante treinu ne’ebé kompleta ona kursu iha JDRAC. Planu projetu ne’e atu fornese treinamentu manutensaun kareta ba estudante 25 (rua nulu resin lima) inklui ema sivil 15 (sanulu resin lima). Liu husi treinamentu ne’e, sira sei hetan koniesementu no matenek barak, kualidade hanesan lisensa Auto-Mekaníku iha Japaun. Atu garante susteinabilidade projetu ne’e, Japan Demining and Reconstruction Agency Centre JDRAC sei koopera ho SEPFOPE liu husi Institute Dezenvolvimentu Mao de Obra INDIMO para bele stabelese sistema kualifikasaun lisensa auto-mekaníku iha Timor-Leste. S.E Sr. Yoshitaka Hanada, Ambaixadór Japaun ba Timor-Leste haforsa tan, “Hau kontenti tebes atu koopera ho Japan Demining and Reconstruction Agency Centre (JDRAC) ne’ebé servisu maka’as tebes atu hasae kapasidade relasaun ho Auto-Mekaníku kareta ba ema Timor-Leste no suporta diak liu tan manutensaun kareta iha sidade Díli ba tempu naruk”.
Fundu Kontratu ne’e asina entre Ambaixadór Hanada no Sr. Hirasaki, Presidenti husi ho Japan Demining and Reconstruction Agency Centre (JDRAC).



Tidak ada komentar:

Posting Komentar